Assembly session vawiinah ṭan dawn

Vawiin hian ni thum awh tur Mizoram Legisla­tive Assembly Session ṭan a ni dawn. A ṭan niah session hnuhnung ber leh tun ṭum session inkara thi MLA ni lai leh MLA lo ni tawh pakhat ve ve sun an ni dawn.

Session ṭan ni hian sunna hun hman a nih zawhah zawhna leh chhanna hun hman a ni ang a, chumi hnuah sorkar thil pawimawhte sawiho a ni ang.

Session ni hnihna leh ni thumnaah chuan zawhna leh chhan­na hmanga bul ṭanin, chumi zawhah sorkar thil pawimawh sawiho tur a ni.

Tun ṭum session atan hian nimin tlai dar 3 thleng khan zawhna House-a chhan chi (starred question) 258, zawhna ziaka chhan chi 227 leh bill pahnih a lut. Resolution lut a awm lo.