MOT-in ramria police-te an tlawh

Covid-19 Medical Operational Team (MOT) chuan an chairman Dr ZR Thiamsanga, MLA hoin September 3-4, 2021 khan Mizoram leh Assam ram inrinna a police duty-na hmun leh screening point an tlawh a, damdawi hmanrua chi hrang hrang an pe.

MOT hi Zawlnuam, Kanhmun, Bairabi, Chuhvel leh Luimawi khuaa task force leh screening point-a thawktute nen an in kawm a; Mitdeli lui, Thinghlun forward duty post, Zophai leh Chuhvel base camp-te tlawhin police hotute nen an inkawm bawk.

Dr ZR Thiamsanga chuan Mizoram Police-te harsatna hrang hrang sorkarin a sutkian theih nan theih tawpa nawrpui a tum thu a sawi a," Ramria sipai duty-te ram leh hnam tana in inpekna a hmun ngeia ka hmua, in fakawmin chawimawi in phu takzet," a ti

MOT-te hian duty-te hnenah hian pawisa, hmaituamna, pulse oxymeter, thermometer, damdawi leh kut tihfaina an pe a ni.