Kawngpuia bungraw dahte enfiah

Lunglei Road Protection Squad (Lunglei North) chuan nimin khan an leader C Lalduhzuali, SDO (S) hoin Lunglei hmar lam kawngpuite an enfiah. Lunglei Road Protection Squad (Lunglei South) chuan September 1 khan an huam chin kawngpui an lo enfiah tawh a ni.

Enfiahnaah hian kawngpui nek chep zawnga insakna bungrua leh bungraw hrang hrang dah leh lirthei chhia dahte endik a ni. Vantlang tana hnawk leh kawngpui dal zawnga insakna bungrua dahte hnenah hun bituk pek chhunga senghawi tura hriattirna pek an ni.

In sa lai mekte insakna bungrua dah phalna sorkar aṭanga la lote chu UDPA, Lunglei hnenah phalna la tura hriattir an ni. Road Protection Squad-te hi khawtlang hruaituten ṭawiawmin tuihawk luankawr leh kawngpui dinhmun an enho nghal a ni.