Heroin gram 713 man a ni

Excise & Narcotics department leh Assam Rifles, Field Intelligence Unit (FIU) te chuan September 4 & 5, 2021 khan Aizawlah heroin gram 713 (hâwng 56) an man a, a neitua puh mi pali an man.

September 4, Inrinni tlai dar 6 khan Zarkawta Hotel Ahimsa bulah heroin gram 636 (hâwng 50) leh a neitua puh – Lalropianga (38) s/o Thangtinchhuma, Champhai Kanan Veng; Lalneihsanga (40) s/o HT, Sanga, New Champhai leh Lalsiamthara (21) s/o Vanlalliana (L), Champhai Kanan venga khawsa nia inchhalte an man.

September 5, Pathianni zan dar 7:30 khan Bawngkawnah heroin gram 77 (hâwng 6) leh a neitu nia puh Lalvulliani (38) d/o Lalhnuna, Khawmawi (Ṭiau), Myanmar-a khawsa nia inchhal an man bawk.

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Special Court (ND&PS Act), Aizawl District-ah hruai niin Central Jail-ah dahluh nghal an ni.