Lungleiah partial lockdown pawt sei

Lunglei DC Kulo­thungan A chuan nimin khan Lunglei district-ah partial lockdown a pawt ei a, hripui a darh zel lohna atan theihtawp chhuah a nih thu a sawi. Partial lockdown hi September 18, 2021 thleng hman tur a ni.

Lunglei Bawrhsap chuan Lunglei district-ah Covid-19 hri kai thar an pun zel thu tarlangin,"Tun dinhmunah Lunglei district huam chhungah hri kai ṭhahnem tak kan awm mek a, Covid-19 hripui a ṭai darh zel loh nan sorkar department hrang hrangte leh task force-te chuan theihtawp chhuahin an thawk chhunzawm zel," a ti a; mipuite him tlan nan leh eizawnna kawng hrang hrangte a remchan dan anga kalpui a nih theihna'n partial lockdown kalpui chhunzawm a nih thu a tarlang.