Apple ei hmaa fimkhur turin hriattir

Mizoram pawn aṭanga apple lakluh zingah sathau (wax) a luan hmuhchhuah a nih avangin Health & Family Welfare department chuan mipuite fimkhur turin chah.

Health Services joint director (Food & Drugs Administration) Lal­sawma chuan nimin khan hriattirna ti chhuak­in, "Food and Drug Admi­nistration Wing, Health department-in tun hnaia state pawn aṭanga thlai leh thei lo lut a endiknaah apple tam tak chu sathau (wax) a luan a ni tih hmuh a ni a, heng sathau hi ei tel loh a him ber," a ti.

Lalsawma chuan apple chu a kawr nena ei a nih dawn chuan tui sa-a silfai ṭhin tur leh vel ṭhin turin mipuite a hriattir.