Aitlang leh Buarchepa Assam Police nawr chhuah tum; tharuma nawr erawh a rem lo: HM

Home minister Lal­chamliana chuan ZLP member Lalchhuan­thanga zawhna ziaka chhangin, Aitlang leh Buarchep phaia Assam Police inkulh mekte nawr chhuah tumna a awm thu a tarlang.

Lalchamliana chuan, "Aitlang leh Buarchep phaia Assam Police-te nawr chhuah tumna a awm. Amaherawhchu, tharum thawha nawr rup rup a remchan rih loh avangin nawr chhuah an la ni lo a ni," a ti.

MNF member H Lalzirliana zawhna chhangin Home Minister chuan Mizoram Police indaih lohna phuhruk turin post ruak awmte hnawhkhat thuai tura hmalak mek zel a nih thu House a hrilh.