Covid-19 vanga thi mi 2 an awm belh

Thawhṭanni zan leh nimin khan tlai dar 5 thlengin Covid-19 vei enkawl lai mi pakhat ve ve an thi. Sorkar chhinchhiah angin, Mizoramah hripui vangin mi 227 an thi tawh.

September 6, Thawh­ṭanni zan dar 8:30 khan hripui vei enkawl lai Lizzy Zasangi (82) w/o VL Bela, Electric Veng, Aizawl chu ZMC-ah a thi a, nimin khan St. Mary's biak-inah vui a ni.

Amah hi natna dang vanga damlo sa a ni a, Covid-19 vaccine vawi khat la tawh. Covid-19 vei a ni tih September 1 khan hmuh chhuah a ni a, ZMC-ah dah luh nghal a nih thu sorkar thuchhuakin a tarlang.

Nimin zing dar 9:40 khan Chawithangi (86) w/o Liankunga, Mual­lungthu chu hripui vangin ZMC-ah a thi a, nimin chawhnu dar 2 khan com­munity hall-ah vui a ni. Thu dawn danin, Chawi­thangi hi natna dang nei sa niin, heart attack nei tel a ni a, Covid-19 vaccine la lo a ni.

Covid-19 positive a ni tih August 23 khan hmuh a ni a, August 24 aṭangin SRH-ah enkawl a ni.