Covid Frontline Warrior-te duty ṭan

Mission Foundation Movement (MFM) hnuaia Customised Crash course Programme for Covid Frontline Warrior zir chhuak, mi 43-te chu Health department hnuaia covid care centre hrang hrangah an duty ṭan.

Covid Frontline Warrior course hi sorkar laipuiin duang chhuakin frontline healthcare worker mi nuai khat train chhuak turin ruahmanna an siam. Chumi atan chuan cheng vbc. 276 budget ah dah niin, Mizoramah chuan District Skill Committee, LESDE department hmalakna in Mission Foundation Movement-ten training hi an kalpui a, mi 360 target allocation pek an ni.

State sorkarin sum a sen ngai loin, attendance kal ṭhate chu sorkar laipuiin an bank account-ah DBT hmangin pawisa a thunsak ang.