Bank of India-in dincham an lawm

Bank of India chuan nimin khan an dincham vawi 116-na Zarkawt Branch-ah an lawm a, AMC councillor David Zohmangaiha'n a hman pui. An dincham pual hian loan chi hrang hrang an sem chhuak.

David Zohmangaiha chuan Bank of India-in a mamawhtute hnena loan ṭha taka an pechhuak ṭhin leh bank hrang hrang zingah CD ratio nei ṭha ber pawl an ni chu fakawm a tih thu sawiin, "A bikin sumdawng mite tan bank loan hmanga sumdawnna lian zawk leh ram tan pawh a chhen fakawm bul ṭan theihna a awm a ni," a ti.

An dincham pual hian Bank of India-a thawktute chuan loan rulthei lote an rulhsak bakah Covid-19 avanga loan rulh lama harsatna nei tan September, 2021 chhung moratorium dil theihin an hawng.

Bank of India hi public sector bank a ni a, Mizoramah kum 2011-ah hawn ṭan niin, tunah hian Mizoramah branch pahnih an nei mek. India ramah branch 5,200 neiin, khawmualpui hrang hrangah foreign branch 56 a awm.