Hripui vei 1,468 hmuh belh ; Mizorama hmuh tam ber ni

September 6, Thawhṭannni khan Mizoramah Covid-19 vei mi 1,468 hmuh chhuah a ni a, Mizorama hripui vei hmuh tam ber ní a ni. Nimin khan hripui vei dam tawh mi 534 chhuahtir an ni a, nimin tlai thleng khan hripui vei mi pahnih an thi.

Covid-19 vei Sep­tember 6-a hmuhte chu ZMC laboratory-a hmuh chhuah 314, TrueNAT-PCR hmanga hmuh 47, RAT hmanga hmuh 1,095 leh Fluorescent Immunoassay (FIA) hmanga hmuh 12 an ni a; mipa 693 leh hmeichhia 775 an ni.

Hripui vei hmuh chhuah thar mi 1,468-te chu symptom nei 681 leh nei lo 787 an ni a; tual­chhunga kái 1,463 leh state pawn aṭanga lut panga niin, tualchhunga kái zingah kàina chin hriat loh 707 an awm.

IDSP record angin, Mizoramah Covid-19 vei 65,696 hmuh chhuah a ni tawh a, mipa 33,354 leh hmeichhia 32,342 an ni. Nimin tlai dar 5 thleng khan mi 54,590 (83.09%) chhuahtir an ni tawh a, mi 227 (0.35%) thi tawhin, enkawl mek mi 10,879 (16.56%) an awm.

September 6, Thawh-ṭannia sample endik dan chu - ZMC laboratory-ah 1,833, TrueNAT hmangin district pakuaah 540, RAT hmangin district 11-ah 9,823 leh FIA hmangin 119 a ni a, a vaiin sample 12,315 a ni.

Sample endik aṭanga hripui vei hmuh chhuah 1,468 chu 11.92% a ni a; ZMC-ah 17.13%, TrueNAT-ah 8.70%, RAT-ah 11.15% leh FIA-ah 10.10% a ni. District tina Covid-19 vei hmuh chhuah thar zat chu - Aizawlah mi 845, Lungleiah 116, Champhaiah 108, Kolasib-ah 103, Lawngtlaiah 93, Serchhipah 77, Siahaah 62, Mamitah 34, Khawzawlah 21 leh Hnahthialah 10 a ni a; Saitual district-ah hmuh chhuah a ni lo.

Mizorama Covid-19 vei hmuh tawh zat 65,696 chu kum 2011 chhiarpui angin, Mizorama mi 1,000 zelah hripui vei mi 60 an awm ang a ni. Nimin khan tlai dar 5 thlengin hripui laka fihlim tawh mi 534 chhuahtir an ni a; Aizawl district-ah mi 367, Mamit district-ah 47, Lawngtlai district-ah 44, Kolasib district-ah 36, Siaha district-ah 19, Khawzawl district-ah 13, Serchhip district-ah panga leh Champhai district-ah pathum an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 14,379 hmuh chhuah a ni tawh a, TrueNAT-PCR hmangin 3,686, RAT hmangin 46,045, FIA hmangin 114 leh Guwahati-ah pakhat hmuh chhuah a ni tawh.

IDSP tarlan danin, September 6, 2021 thlengin Mizoramah swab sample 9,19,569 endik a ni tawh a, chu'ng aṭanga Covid-19 vei hmuh tawh zat 65,696 chu 7.14% a ni.
Hripui vei hmuh tawh zinga mi 61,312 chu Mizoram chhunga kái chhâwng an ni a, mi 4,384 chu Mizoram páwn aṭanga an rawn luh hnua hmuh chhuah an ni.