Kolasib-ah sumdawngte'n Thil man an tisang lo

Legal Metrology enforcement-te leh Kolasib District Consumer Union-te chuan nimin khan Kolasib khawpuia dawr hrang hrangte'n Covid-19 vanga bungrua a man pangngai aia an tihsan leh tihsan loh an enfiah a, thil man tihsan an hmu lo.

Legal Metrology leh Kolasib District Consumer Union-te hian chini, dailuah, buhfai leh thil dang a bûk a tling ṭha em tih an endik nghal a; dailuah, chini leh buhfai kg. 25 bag-te chu a tling ṭha tih an hmu chhuak a, buhfai bag kg. 50 inziak, kg. 35 chauh awm erawh an hmu nual.

Buhfai bag-te chu a phui ṭhat avangin  Legal Metrology leh Consumer Union-te chuan dawrkaite tihah an ngai lo. Buhfai bag-ah package commo-dity-a tarlan tur MRP leh manufacture date-te awm lo a awm nual avangin supplier Silchar, Bagha leh Dholai lam mite tih dik loh nia an hriat avangin, supplier-te chu an hming leh phone number an la a, insawifiah tura koh an tum a ni.