Vawiinah Zophai enfiah dawn

Ministry of Home Affairs (MHA) bultumin vawiin hian Assam leh Mizoram sorkar aiawh­te'n MZP-in Zofate Chawlh­buk sak an tumna hmun, Zophai an enfiah dawn.

MHA bultuma March 20, 2018-a Mizoram leh Assam Chief Secretary-te New Delhi-a inbiaknaa thutlukna siam angin, Zo­phai hi Union Home Joint Secretary (NE) kaih­hruai­na hnuaiah Mizoram leh Assam sorkara Home Sec­retary-te'n an tlawh dawn a; Survey of India offi­cial-te pawhin an ṭawi­­awm ang. Thil awm dan a hmunah an zir chiang dawn a; Zophai enfiah zawhah Zophai enfiahtute chu Kolasib-ah an meeting leh dawn a ni.

Zophai enfiahnaah hian Mizoram sorkar aiawh­in Home secretary Lalrin­liana Fanai a tel dawn a; New Delhi-a inbiaknaa tel Home department-a additional secretary Lalbiakzama leh OSD David H Lalthangliana ten an ṭawiawm ang.

Zophai enfiahnaa an hmuh chhuahte chu Union Home Secretary hnenah thawn a ni ang a, chumi hnuah state pahnih Chief Secretary-te nen sawiho leh tur a ni a; chumi hnuah Union Home Minister kaihhruaina hnuaiah state pahnih Chief Minister-te inbe tura ruahman a ni.