DC thupek bawhzuiin endik

Mamit DC thupek bawhzuiin traffic police, Transport dept., PWD leh village council member-te chuan tunlai hian Mamit khawpui chhung kawngpui dunga lirthei zan riak ṭhinte leh bungraw dah ṭhinte'n an senghawi leh hawi loh an enfiah. Mamit DC chuan kawngpui dunga zana lirthei leh bungraw dah ṭhinte chu senghawi vek turin thupek chhuahin a hriattir a ni.

Kawngpui dunga lirthei zan riah leh bungrua dah chu mipuite an lo him zawk nan senghawi tura thupek hi chhuah a ni. Lirthei  zana riah ṭhinte leh bungrua dah ṭhinte chu lehkha pein dah tawh lo tur leh chawi tir an nih tur thu hriattirna pek an ni.

Mamit khawpui chhunga veng hrang hrang a kawngpui dunga lirthei  leh bungrua dah sawn tura lehkha pek zat hi mi 86 an ni a. Endik leh huna dah sawn lote chu chawitir an ni ang a, lirthei dah sawn lo te chu hnuhsawn sak niin hnuh sawnna man hi lirthei neitute'n an chawi dawn bawk a ni.