Buhfai a to lohna turin hma la

Legal Metrology enforcement staff leh Serchhip District Consumer Association (SDCA) ṭangkawp chuan March 18, Nilaini khan Serchhipa buhfai zawrhna dawr hrang hrang an tlawh kual a, Covid-19 vanga buhfai man tihto a nih loh nan hma an la.

SDCA leh Legal Metrology-te hian Serchhip khawpui chhunga buhfai zawrhna dawr hrang hranga buhfai zawrh mek dinhmun an enfiah a ni. Buhfai zawrh tam berah a rih zawng leh a man ziah lan a nih loh avangin, a supply-tute kut aṭangin man theih a ni tih thuneitute chuan sawiin, buhfai zuartute chu an buhfai lâk tur supply-tute hnenah an buhfai ip rih zawng leh a man ziak lang tura hrilh turin an hriattir a ni.