Mayor-in Union Minister a kâwm

Aizawl Municipal Corporation (AMC) mayor PC Lalhming­thanga leh deputy mayor Lalringliana te chuan March 26, Thawhṭanni khan Union minister for Housing and Urban Affairs Hardeep Singh Puri chu New Delhi-a a pisaah a kâwm a,

AMC dinhmun leh Aizawl khawpui hmasawnna tur thil hrang hrang an sawipui.

Aizawl Mayor hian AMC-in Finance Commission aṭanga basic grant sum an dawn turte a hun taka an dawn ṭhin theih nana hmalakpui turin Union Minister a ngen a; AMC chu a la phuisui tawk loh avang­in sorkar laipui aṭanga hmasawnna tur scheme hrang hrangah AMRUT project tlemtê bak AMC-in a la thawh loh thu sawiin, AMRUT sum a hun taka an hmuh theih nana hma laksak turin a ngen bawk.

Union minister Hardeep Singh chuan, AMC hmasawnna atana hmalakpui a inhuam thu a lo hrilh a; AMC leh Aizawl khawpui dinhmun hre chiang lehzual turin Aizawl tlawh thuai a tum thu a sawi a ni.