Vanghmunah Chapchar Kût hman a ni

Nimin khan Zampui tlangdunga Vanghmun khuaah Tripura state pum huapin Chapchar Kût hman a ni a, khaw hrang hrang aṭangin mi ṭhahnem tak an tel.

Chapchar Kut hi Tripura Group YMA leh Jampui RD Block ṭang­kawpin an huaihawt a ni a; hmanlai Mizo ziarâng chi hrang hrang, hnam lâm leh zai te, Mizo pa in sak leh Mizo infiamna hrang hrangte entir a ni a, pa chak zawnna te, ui leh ar sual huai entirsiak te, Mizo bai insiam tuisiak te, naupang tan lem inziaksiak te, nula tlangval tan bike inkhalhsiak te, pangpar entirsiakte neih a ni.

Zampui tlangdungah hian khaw 10 a awm a, Mizo khua vek a ni. Kum rei tak chhung chu kum tin mahni khaw bil ṭheuhin Chapchar Kût an hmang ṭhin a; kuminah erawh a huhoin an hmang a ni.