KHAWTHLIR

Thisen pe
Aizawl North College NSS leh Red Ribbon Club chuan nimin khan Good Friday pualin an college-ah blood donation camp an huaihawt a, zirlai mipa 170 leh hmeichhia 63-te'n Aizawl Civil Hospital tan thisen unit 233 an pe. Saitual Pastor Bial KṬP pawhin Thawhlehni khan Synod Hospital tan thisen unit 46 an pe a, a petute mipa 36 leh hmeichhia 10 an ni.

NEDP-ah vbc.1002.31 pe tawh
Finance minister Lalsawta chuan Lalruatkima zawhna chhangin, kum 2016-2018 chhungin NEDP sum cheng vbc. 1002.31 pek a ni a, nodal/implementing department-ah pek chhuah vek a nih thu Assembly House a hrilh. NEDP sumah Finance department-in cheng nuai 200 a chan thu a sawi bawk.

MHIP khawmpui
Aibawk Block MHIP chuan nimin khan Hualngohmun Presbyterian Kohhran hall-ah inkhawmpui an hmang a, bialtu MLA KS Thanga'n a hmanpui. KS Thanga chuan, nute chu khawtlang nun siamṭha tur a dinhmun pawimawh tak chang an nih thu a sawi. Inkhawmpuiah hian kum 70 chin chung lamte hnenah chawimawina an hlan a ni.

Kum 103-na lawm
West Bunghmun chuan Thawhlehni khan an khaw kum 133 tlin an lawm a, bialtu MLA Lalrinmawia Ralte-in a hmanpui. West Bunghmun hi Mizo lalte zinga mi Hrangvunga'n kum 1905-a a din a ni a, tunah hian in 230 vel a awm a ni.

Cultural Meet
MZP headquarters, Mamit chuan Thawhlehni khan Chhimveng YMA Hall-ah Mamit District Cultural Meet an buatsaih a, district bawrhsap Lalbiaksangi'n a hmanpui. Meet-ah hian Mamit khawpui bakah, district chhunga khaw hrang hrang - Reiek, West Phaileng, Zawlnuam, Kawrthah leh Damparengpui aṭangtein an tel a, hnam lâm chi hrang an entir a ni.