Rualbanlote vote thlak dan tur sawiho

Champhai District Consultation on Inclusion of PWDs in Electoral Process chu nimin khan Champhai DC conference hall-ah district bawrhsap Vanlalngaihsaka hoin an ṭhu a; pian­phunga rualbanlote'n inthlannaa vote an thlak ngei theihna tura rua­hmanna hrang hrang Election Commission of India-in a lo siam zûlzuia an district-a hmalak dan tur an sawiho.

Champhai DC chuan, ECI-in India khua leh tui dik tak, kum 18 tlingte electoral roll-a a an awm vek a duh tih sawiin, "Electoral roll felfai tak kan neih theihna turin a chuang turate chauh an chuan a, a chuang lo turte an chuan loh theihna turin hmalak mek zel a ni," a ti a; India ram chu in­thlang ram a nih avangin, vote thlak theite'n vote an thlak ngei chu ECI-in a duh thu a sawi.

Vanlalngaihsak­a chuan, rualbanlote pawh­in vote an thlak ve theihna turin ECI-in hma a la thu sawiin, "Electoral roll-a kan hming a chuan hi kan chanvo a ni a, kan ram hruaitu tur thlan hi kan mawhphurhna a ni," a ti.

Champhaia Election officer Lalremruata Kulla chuan, "Rualbanlote thleng phak in­thlanna neih ECI-in a duh a, rual­banlo, polling station thleng phak lote'n an thlen theihna turin polling station tina hmalak mek a ni," a ti a; rualbanlote'n an chanvo an hriat theihna turin mipui vantlang nun­ah chhaih nawmnah leh inthliar hranna a awm lohna tura inzirtir a ngaih thu a sawi.