Lungleiah NEET coaching class hawn a ni

Lunglei DC Lal­zarmawii chuan nimin khan Lunglei Higher Secondary School-a Mizoram Youth Commission (MYC)-in zirlaite tana medical mollege entrance atana inpuahchahna Online Coaching Class a buatsaih a hawng.

Lalzarmawii chuan, online coaching class chu Mizoram chhim lam mipui, ṭhalaite tan malsawmna a nih thu sawiin, "India rama coaching class ṭha berte zinga mi Alternative Learning Systems hnuaiah Mizo ṭhalaite'n an zir ve thei tur hi hmasawnna rahbi pawimawh tak a ni," a ti a; zirlaite chu taima tak leh tum tak takna rilru nen inpuahchah turin a fuih.

Coaching centre-ah hian very-small-aperture terminal (VSAT) satellite hmangin ALS, Delhi-in online class an kalpui dawn a, nimin khan thla khat awh tur Online Crash Course for NEET ṭan nghal a ni. Kumin June thla aṭangin kum hnih awh tur IIT-JEE leh NEET coaching class ṭan a ni ang.