LADC CEM - V Zirsanga

Lai Autonomous District Council (LADC)-a chief executive member (CEM) atana ruat thar V Zirsanga chu nimin khan LADC Hall-ah district bawrhsap Dr Andrew H Vanlaldika'n rinawmna thu tiamtirin a la lut.

CEM thar lak luh inkhawm hi LADC exe­cu­tive secretary H Lalram­­enga'n a kaihruai a, V Zir­sanga chuan thu sawiin, "Ka kaihhruai MNF Legisla­ture Party chuan LADC-ah ram mipui huap zo sorkar din turin theihtawp kan chhuah dawn a ni," a ti a, MDC, political party, NGO, LADC leh mipuite chu sorkar finchhuah ṭhin turin a ngen.

August 26, 2021 khan LADC-a MNF sorlar ding lai, CEM Manghmung Chinzah kaihhruai chu 'no confidence motion' hmanga paih thlak a ni a; CEM thar atan Paithar bialtu MDC V Zirsanga, MNF Legislature Party member chu thlan a ni. September 4, 2021 khan Mizoram Governor chuan CEM atana thlan thar chu a pawm a, nimin khan lakluh a ni.