INSPIRE Awards MANAK dawng

8th National Level Ex­hi­bition & Project Competition, 2021-ah Baptist Higher Secon­dary School zirlai C Lalmuanpuia chuan INSPIRE Awards MANAK a dawng, a kaihruaitu (guide teacher) Isac Lalruatfela, Baptist Higher Secondary School pawhin zirtirtu ṭha lawmman a dawng bawk.

Intihsiakna hi Covid-19 hri leng vangin virtual mode-in September 4- 8, 2021 chhung buatsaih a ni a, India rama zirlai naupang idea/project nuai 3.92 lakkhawm niin, chung zinga a ṭha zual 581 thlan chhuah zingah C Lalmuanpuia project 'People Powered Escalator' tih chu a tel a ni. Award hian certificate, trophy leh pawisa a keng tel.