Assembly Session-ah bill pass

Nimin Assembly Session-ah Agriculture minister C Lalrinsanga bill putluh 'The Mizoram Agricultural Land Leasing Bill, 2021' chu sawiho a nih hnuah pass a ni.

Agriculture Minister bill put luh chu NITI Aayog-in an pawmpui Model (Agricultural) Land Leasing Act behchhanin, Mizoram nena inmil tura duan a nih thu sawiin, "Kuthnathawktute tan liau liaua ruahman a ni. Revenue dept. nen inkaihhnawih thil tam tak a awm a, anni pawh he bill buatsaihna atan hian an thawkhlawk hle," a ti.

Bill chu kuthna­thawk­tute'n hmasawnna an neih theihna atan rahbi pawi­mawh tak a nih thu sawiin C Lalrinsanga chuan, "He bill hnuaiah hian ram neitu leh a hawhtute'n dan fel tak hnuaiah hlawkna an tel thei dawn a ni," a ti a, ram neitu leh a hawh chhawngtute'n lungrual taka hma an lakho theih a pawimawh thu a sawi.

The Mizoram Agricul­tural Land Leasing Bill, 2021 hi ram nei, hmang si lote'n a hmang duh kut­hnathawktute an hmantira inkaihhruaina tur a ni.Ram inhmantir a niha ram neitu leh a hmangtute tana zawm tur leh hlawkna an hmuh theihna tur chi hrang hrang tarlan a ni.