COVID-19: Mizoram dinhmun ; Hripui vei 1,214 hmuh belh a ni

September 7, Thawhlehnni khan Mizoramah Covid-19 vei mi 1,214 hmuh chhuah a ni a, hmuh chhuah thar tam lamah India ramah palina a ni. Nimin khan hripui vei dam tawh mi 421 chhuahtir an ni a, nimin tlai thleng khan hripui vei mi pakhat a thi.

Covid-19 vei September 7-a hmuhte chu ZMC laboratory-a hmuh chhuah 139, TrueNAT-PCR hmanga hmuh 51, RAT hmanga hmuh 1,011 leh Fluorescent Immunoassay (FIA) hmanga hmuh 13 an ni a; mipa 567 leh hmeichhia 647 an ni.

Hripui vei hmuh chhuah thar mi 1,214-te chu symptom nei 524 leh nei lo 690 an ni a; tualchhunga kái 1,208 leh state pawn aṭanga lut paruk niin, tualchhunga kái zingah kàina chin hriat loh 785 an awm.

IDSP record angin, Mizoramah Covid-19 vei 66,910 hmuh chhuah a ni tawh a, mipa 33,921 leh hmeichhia 32,989 an ni. Nimin tlai dar 5 thleng khan mi 55,118 (83.26%) chhuahtir an ni tawh a, mi 228 (0.35%) thi tawhin, enkawl mek mi 11,564 (16.39%) an awm.

September 7, Thawhlehnia sample endik dan chu - ZMC laboratory-ah 1,471, TrueNAT hmangin district pakuaah 448, RAT hmangin district 10-ah 7,195 leh FIA hmangin 89 a ni a, a vaiin sample 9,254 a ni. Sample endik aṭanga hripui vei hmuh chhuah 1,214 chu 1312% a ni a; ZMC-ah 9.46%, TrueNAT-ah 10.22%, RAT-ah 14.05% leh FIA-ah 14.61% a ni.

District tina Covid-19 vei hmuh chhuah thar zat chu - Aizawlah mi 801, Kolasib-ah 128, Mamitah 65, Lungleiah 61, Lawngtlaiah 56, Champhaiah 53, Serchhipah 26, Khawzawlah 17, Hnahthialah pali leh Saitualah pakhat a ni a; Siaha district-ah hmuh chhuah a ni lo. Mizorama Covid-19 vei hmuh tawh zat 66,910 chu kum 2011 chhiarpui angin, Mizorama mi 1,000 zelah hripui vei mi 62 an awm ang a ni.

Nimin khan tlai dar 5 thlengin hripui laka fihlim tawh mi 421 chhuahtir an ni a; Aizawl district-ah mi 237, Mamit district-ah 59, Lawngtlai district-ah 53, Kolasib district-ah 38, Champhai district-ah 10, Saitual district-ah pakua, Khawzawl district-ah pali leh Hnahthial district-ah pakhat an chhuak. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 14,832 hmuh chhuah a ni tawh a, TrueNAT-PCR hmangin 3,784, RAT hmangin 48,151, FIA hmangin 142 leh Guwahati-ah pakhat hmuh chhuah a ni tawh.

IDSP tarlan danin, September 7, 2021 thlengin Mizoramah swab sample 9,28,823 endik a ni tawh a, chu'ng aṭanga Covid-19 vei hmuh tawh zat 66,910 chu 7.20% a ni. Hripui vei hmuh tawh zinga mi 62,520 chu Mizoram chhunga kái chhâwng an ni a, mi 4,390 chu Mizoram páwn aṭanga an rawn luh hnua hmuh chhuah an ni.