CM Relief Fund-a mipui thawh khawm Rs. 5,23,49,000 sem chhuak tawh

Aizawl district bawrh-sap Dr Lalhriatzuali Ralte chuan September 7, Thawhlehni khan mipui thawh khawm Chief Minister’s Relief Fund aṭanga Aizawl district-a inkharkhip vanga chhuan-chham (destitute) chhungkua leh LTF/VTF-te'n CCCC an enkawlna senso puih nan ṭanpuina thawh nga-na (Phase-V) a sem.

CMRF aṭanga ṭanpuina hi Aizawl district-ah thawh khatna aṭanga thawh nga-na (Phase I-V) sem a ni tawh a; Covid-19 inkhuahkhirh/inkharkhip avanga chhuanchham maithei dinhmuna ding chhungkaw 27,707 leh LTF/VTF 88 hnenah Rs. 5,23,49,000 sem chhuah a ni tawh.

CMRF sem thawh nga-naah hian Aizawl district-a chhungkaw 7,330 leh LTF/VTF 57 hnenah Rs. 1,58,00,000 sem chhuah a ni a, incident commander-te kaltlangin LTF/VTF kutah pawisa hi sem tura pek a ni.

Bawrhsap tarlan danin Aizawl district-a Home hrang hrang 43-ah Social Welfare & Tribal Affairs department kaltlangin Rs. 14,92,000 sem a ni tawh a, mitdel khawlaia zai ṭhin te’n ṭanpuina an dil angin mi pariat hnenah CMRF aṭangin Rs 2,000 ṭheuh PwD Commissioner kaltlangin sem a ni tawh bawk.