Covid-19 vei mi pakhat a thi

Sadhana Devi (40), Chawngte-C (Kamala-nagar-V) chu Thawhlehni zan zanlai pelh hnu dar 12:35 (September 8) khan Chawngte damdawi-in (CHC)-ah a thi a, Mizorama Covid-19 vei thi 228-na a ni.

Thu dawn danin, Sadhana Devi hi thisen sang leh zunthlum nei niin, a zunthlum a sàn avangin Thawhlehni chhun khan inentir turin Chawngte CHC-ah a kal a, RAT hmanga a swab sample endiknaah Covid-19 positive a ni tih hmuh chhuah a ni a; Thawhlehni zan zanlai pelhah a thi zui a ni.