END-in Heroin gram 122 man

Excise & Narcotics department (END) chuan September 7, Thawhlehni leh nimin khan Aizawlah heroin gram 122 (hâwng 8) leh a neitua puh mi pahnih an man.

END tarlan danin September 7 zing dar 8:30 khan Chanmari, Aizawlah heroin gram 96 (hâwng 6) leh a neitua puh Lalzarmawia (40) s/o Thangchungnunga, New Hruaikawn, Champhai dist.-a khawsa nia inchhal an man a; nimin chawhnu dar 1:50 khan Vaivakawn leh Hunthar veng in-rinaah heroin gram 26 (hâwng 2) leh a neitua puh B Sangzuala (45) s/o Tlangchawia, Chanmari West, Aizawla khawsa nia inchhal an man bawk.

Heroin avanga mante hi thubuai siam sak an ni.