Tualthattu nia rinhleh man a ni

September 6, 2021 zan dar 6:15 vela K Vanlalduati (52) Lunglei Chanmari-II thattu nia rinhleh Lalchawimawia (24), Tahan, Myanmar chu nimin khan Lunglei Police-te'n an man.

Lunglei aṭanga Vanglaini thudawn danin, police-te chuan Lalchawimawia awmna report an dawn bawhzuiin chhun dar 12 velah Lunglei Luangmualah an man a ni. Court-a hruai a nih hnuah district jail-ah dah a ni.

Lalchawimawia hi Tahan aṭangin Ṭhangte khuaah a rawn chhuk a, tun hnaiah Lungleiah a awm a ni.