KHAWTHLIR

Budget pass
March 15, 2018-a Finance minister Lalsawta'n Assembly House-a a pharh tâk, kum 2018-19 chhunga Mizoram budget tur cheng vbc. 9,492.38 chu March 29, Ningani khan Assembly House-ah pass a ni. Mizoram budget turah hian 34.59% chu sorkar hnathawkte hlawh tur a ni a, 9.30% chu pension tawhte hlawh tur niin, sorkar hnathawk damlote enkawl atan 1.38% ruahman a ni. Major work thawhna atana ruahman chu 20.13% a ni a, minor work atan 2.12% dah a ni.

Pisa kai tur
Governor chuan vawiin, Marchi 31, Inrinni hi financial year 2017-18 tawp ni a nih avangin, government transaction tih a nih theih nan Mizoram sorkara Treasury Office zawng zawng tan working day-ah a puang a; Treasury Office-a thawkte chu pisa kai tura hriattir an ni.

Mei zu vai
Champhai District Anti-Tobacco Squad-te chuan March 29, 2018 khan Champhai khawpui chhunga sorkar pisa hrang hrangah mei zu an awm leh awm loh an enfiah.

Award dawng
New Serchhip Bazar Branch YMA chuan NYKS aṭangin State Level Award for Outstanding Youth Club an dawng a, award hi Central YMA office-ah Ningani khan khan NYKS aiawhin CYMA president Vanlalruata'n a hlan. Award hian hian cheng nuai khat leh citation a keng tel.

Ruihhlo hâl
Mizoram police, CID (Crime) hnuaia Drugs Disposal Committee chuan kum 2017 chhunga Special Narcotics Police Station-a case registered 29 aṭanga an ruihhlo mante chu March 28, 2018 khan dan angin Incinerator, Aizawl Zoological Park, Sakawrtuichhunah an hâl ral. Ruihhlo hâl ralte hi a vaiin Rs. 2,03,83,350 hû a ni.

Vaccine pe
Vawk pûl hri, Porcine Reproductive Respiratory Syndrome (PRRS) leh swine fever (SF) laka Mamit district a him theih nan Mamita AH&Vety Office March 28 aṭang khan Mamit district-ah SF vaccine an pe ṭan. SF vaccine hi vawk 1,500 pek phawt tura ruahman a ni.