April 7 thleng sorkar ngaichâng dawn

Lawngtlai All NGO-te chuan, Lawngtlai DC Dr Arun T Aizawla sawnna order sût tura Mizoram sorkar an phût chung­changah, April 7, 2018 thleng sorkar hmalak dan ngaihchan ni se, an ti.

Lawngtlai All NGO hi Ningani khan Lai Student Association (LSA) pisaah an ṭhukhawm a, pawl hrang hrang 13 an tel. Lawngtlai bawrhsap sawn bakah, department head ṭhenkhatte sorkarin a transfer chungchangah sorkar kal dan an duh­khawp loh thu an sawi.

DC chungchang bik­ah, Central YLA leh LSA-ten Mizoram sorkara an thu thlente chu chhanna mumal dawn a la nih loh avangin tuna Lawng­tlai DC mawhphurhna la mek­tu chu sorkar lam aṭanga NGO aiawhte lung­awina hmuh a nih hma chuan office hna thawk lo tura ngen an tum a ni.

Lawngtlai NGO-te hian Dr Arun T transfer order hi sût turin Mizoram sorkar an ngen a, sorkar chu April 7 thleng nghah a, sorkar hmalak dan azirin an kal zel dan tur ngaihtuah an tum a ni.