Lirthei tlân dan tur ruahman

Traffic SP chuan thupek chhuahin April 2, 2018 aṭanga Lengpui panna kawng Tlawng lei siamṭhat a nih dawn avang hian Bawngkawn, Sairang road peng tihzauh hna thawh a nih avangin lirthei tlan dan tur ruahmanna a siam.

Traffic SP rua­hmanna siam dan chuan Tlawng lei siamthat hna April 2 aṭanga thawh a nih dawn avang lirthei eng chi mah a tlan tlang theih dawn loh avangin lirthei te tan chuan Balukai leh Buichali lam aṭangin a kal theih ang a, lirthei liante chu Buichali lam aṭang chauhin an kal thei ang.

Bawngkawn pengṭhuam tihzauh a nih avang hian Chaltlang Lily Veng kawng (Transport department office opposite peng leh Hrangbana Petrol Pump inkar) ah lirthei LMV chin (407 tiam loin) chiah a chhuk zawnga tlan phal a ni. Hrangbana Petrol pump lam aṭangin a chho zawngin lirthei eng chi mah tlan phal a nih loh bakah, lirthei dah phal a ni lo.