PMGSY hnuaiah contractor-te'n Cheng vbc. 151.1 an la la thei lo

PWD changtu chief minister Zoramthanga chuan INC member Zo­din­tluanga Ralte zawh­na ziaka chhangin, PMGSY hnuaiah August 2021 thlengin contractor-te'n bill cheng vbc. 151.1 an la lak theih loh thu a tarlang.

Chief Minister tarlan danin, state sorkarin PMGSY pawisa a la pek chhuah loh chu cheng vbc. 47 a ni. Kumin chhungin cheng vbc. 153.61 pek chhuah a ni tawh a, chuta ṭang chuan cheng vbc. 70.61 chu PMGSY account-ah lut tawhin, a bak cheng vbc. 83 chu PMGSY account-ah thun tura hmalak mek a ni.

Sorkar laipui aṭanga PMGSY sum hmuh tur la beisei zat chu cheng vbc. 887.85 a ni.