MHIP-in mi kut tuara thite an tawrhpui

MHIP Gen.Hqrs chuan thuchhuah siamin, September 6, 2021 zana K Vanlalduati d/o K Biakchungnunga, Lunglei Chanmari chemtea vih hlum a ni chu pawi an tih thu leh a chhungte an tawrhpui thu an tarlang a, "He thihnaa pawikhawihtu misual hi dan anga hrem a nih ngei theih nan hma la tur in thuneitute kan ngen a ni," an ti.

MHIP chuan, Jone Malsawmkimi d/o Khaii (L), Lunglei Lunglawn, 10th Assam Riffles CQB-a thawk mek, a hnathawhna hmunah thia chhar a ni pawh an lainat thu leh pawi an tih thu an sawi a; Jone Malsawmkimi thih dan chu chhui chhuah ngei a nih theih nan hma la turin thuneitute an ngen a ni.