Duhoma'n inngaihdam tawn a duh

ZPM MLA Lalduhoma chuan nimin Assembly session-ah MLA aṭanga bàn a nih avanga lungawi lohna a neih loh thu a sawi a, "I inngaidam tawn ang u," a ti.

Lalduhoma chuan, hun eng emaw ti chhung Assembly House-ah ṭhu thei loa a awm thu sawiin, "Lungawi lohna emaw, rilru chhia emaw ka nei miah lo. He lai hmuna ding leh thei tura min siamtu Pathian, Serchhip bial mipui leh hmun hrang hranga min ṭawng­ṭaipuitute chungah ka lawm tak meuh a ni," a ti.

Brig. T Sailo (L) thusawi, 'Ngaidam la, theih­nghilh rawh' tih chu hriat reng ṭha a tih thu sawiin Lalduhoma chuan, hma lam hun thlir chunga ram leh hnam tana theihtawpa hna thawhpuiah member-te a sáwm a ni.