Aizawl khawpui hnuaiah Lei verh tum a ni - CM

PWD enkawltu chief minister Zoramthanga chuan, Aizawl khawpui hnuaiah lei verh tum a nih thu a tarlang.

Assembly session neih zawh takah ZPM member Lalduhoma'n Aizawl khawpui hnuaiah lei verh (tunnel) siam tumna a awm leh awm loh a zawt a, Chief Minister chuan ziaka chhangin, "Aizawl khawpui hnuaiah lei verh (tunnel) tumna a awm e. Aizawl by-pass road siam nana verhna tur hmun ṭha NHIDCL survey tir mek a ni," a ti.

Zawhna dang chhangin Chief Minister chuan, Sairang-Zorinpui Multi Modal double lane road atan survey zawh tawh a nih thu a tarlang a, "Design length chu km. 216.45 a ni," a ti a; laih hun tur tun dinhmunah chuan hriat theih a nih loh thu a sawi.