Central project hnuaia hna thawhte sawiho

Chief secretary Lal­nun­mawia Chuaungo hoin nimin khan Secreta­riat conference hall-ah Ministry of DoNER, North Eastern Council, NESIDS, Special Assistance to States for Capital Expenditure (SASCE) hnuaia project 77 kalpui mekte hmalakna leh harsatnate thlirho a ni a; additional chief secretary JC Ramthanga leh department hotute an tel.

Lalnunmawia Chuau­ngo chuan, sorkar laipuiin sum a pek hmanga project kalpuite chu a hun taka zawh a pawimawh tih sawiin, "A hun taka kan zawh chuan a lehpekah pawh a funding agency aṭangin project dil a awl­sam ṭhin," a ti a; sorkar department-te chu project-te uluk taka vil a, harsatna awmte leh an chinfel theih loh thil a awm chuan hotu sang zawkah leh ama hnenah pawh rang taka thlen vat ṭhin turin a chah.

NEC project ṭhen­khatte chu a funding a tàwp tawh dawn avangin March 2022 hmaa zawh a ni ngei theih nan depart­ment-te chu chak taka hna vil turin Chief Secretary chuan a hrilh bawk.