SDGs-ah Mizoramin a tiṭha

United Nations Sus­tainable Development Goal (SDG)/ Agenda 2030 tihhlawhtlinna kawng­ah Serchhip district chu hmarchhak state-a district 103 zir chiannaah district ti ṭha pangana a ni a, Mizoram chu hmar­chhak state zinga ti ṭha pathumna a ni bawk.

Sorkar thuchhuah tarlan danin, hmarchhak state-a district hrang hrang dinhmun zirna, North Eastern Region District SDGs Index & Dashboard 2021-22 report chuan, tehfung hrang hrang 84 hmanga hmarchhaka district 103 zirchiannah Serchhip district chu pangana a ni tih a tarlang a; district ti ṭha ber chu East Sikkim district a ni.

Hmarchhak state zingah Sikkim chu SDG ti ṭha ber a ni a, Tripura-in dawtin, Mizoram chu pathumna a ni. Report buatsaihna atan hian kum 2019-20 data hman a nih avangin Mizorama district pariat-te chu tehfung hrang hrang hmanga teh a ni.