Khaw 3-ah chhawmdawlna sem

Khawzawl dis­trict bawrhsap CC Lalchhuangkima chuan nimin khan Covid-19 avanga restricted area-a puan Khawzawl, Biate leh Chawngtlai khuaa chhungkaw harsa zual 383 hnenah chhawmdawlna a sem.

Khaw pathumah hian task force-te chhinchhiah danin chhuanchham leh chhuanchham mai theia ngaih chhungkua 383 an awm a, chungah chuan mi 1,418 an awm. Nimina chhawmdawlna sem hi mi pakhat tan buhfai kg. 5 leh chhungkaw pakhat tan dailuah kg. 2, tel fûn khat leh nutrela kg. chanve zel sem a ni a; a vaiin buhfai quintal 71, dailuah kg. 776, tel fûn 383 leh nutrela kg. 191.5 sem niin, chung atan chuan Rs. 3,88,700 sên a ni.