COVID-19: Mizoram dinhmun ; Hripui vei 1,055 hmuh belh a ni

September 9, Ningani khan Mizoramah Covid-19 vei mi 1,055 hmuh belh a ni. A záwnin ni li chhung mi sang khat aia tam hmuh chhuah a ni tawh a, chawhrualin September thlaah ni tin mi 1,002 chuang hmuh chhuah an awm ang a ni. Nimin khan hripui vei dam tawh mi 510 chhuahtir an ni a, hripui vei mi pathum an thih belh.

Covid-19 vei hmuh tharte chu mipa 494 leh hmeichhia 561 an ni a; ZMC laboratory-a hmuh chhuah 91, TrueNAT-PCR hmanga hmuh 56, Rapid Antigen Test hmanga hmuh 888 leh Fluorescent Immunoassay (FIA) hmanga hmuh 20 an ni.

Hripui vei hmuh chhuah thar mi 1,055-te chu symptom nei 545 leh nei lo 510 an ni a; tualchhunga kái 1,052 leh state pawn aṭanga lut pathum niin, tualchhunga kái zingah kàina chin hriat loh 557 an awm.

IDSP record angin, Mizoramah Covid-19 vei 69,026 hmuh chhuah a ni tawh a, mipa 34,901 leh hmeichhia 34,125 an ni. Nimin tlai dar 5 thleng khan mi 56,865 (82.38%) chhuahtir an ni tawh a, mi 233 (0.34%) thi tawhin, enkawl mek mi 11,928 (17.28%) an awm.

September 9, Ningania sample endik dan chu - ZMC laboratory-ah 1,369 (Aizawl 1,314 & Serchhip 55), TrueNAT hmangin district pakuaah 296, RAT hmangin district 11-ah 8,048 leh FIA hmangin 86 a ni a; a vaiin sample 9,799 a ni. Sample endik aṭanga hripui vei hmuh chhuah 1,055 chu 10.77% a ni a; ZMC-ah 6.65%, TrueNAT-ah 18.92%, RAT-ah 11.03% leh FIA-ah 23.25% a ni.

District tinah Covid-19 vei hmuh chhuah a ni a; Aizawl district-ah mi 570, Lawngtlaiah 115, Kolasib-ah 96, Lungleiah 72, Mamitah 51, Champhaiah 47, Serchhipah 45, Siahaah 32, Khawzawlah 14, Hnahthialah 12 leh Saitual district-ah pakhat hmuh belh a ni. Hripui vei hmuh thar zingah nausen kum khat tling lo pariat an tel a, kum 80 tling tawh mi 10 telin, kum 90 tling tawh mi pahnih an awm.

Mizorama Covid-19 vei hmuh tawh 69,026 chu kum 2011 chhiarpui angin, mi 1,000 zelah hripui vei mi 63 an awm ang a ni bawk. Nimin khan tlai dar 5 thlengin hripui vei dam tawh mi 510 chhuahtir an ni a; Aizawl district-ah mi 271, Lawngtlai district-ah 68, Kolasib district-ah 59, Mamit district-ah 48, Khawzawl district-ah 25, Champhai district-ah 24 leh Lunglei district-ah mi 15 an chhuak.

IDSP tarlan danin, September 9, 2021 thlengin Mizoramah swab sample 9,49,096 endik a ni tawh a, chu'ng aṭanga Covid-19 vei hmuh tawh zat 69,026 chu 7.27% a ni. Hripui vei hmuh tawh zinga mi 64,633 chu Mizoram chhunga kái chhâwng an ni a, mi 4,393 chu Mizoram páwn aṭanga an rawn luh hnua hmuh chhuah an ni.