Myanmar ráltlân Mizoramah mi 10,229 an rawn lût tawh

Mizoram sorkarin a chhinchhiah danin, August 28, 2021 thleng khan Myanmar buaina avanga tlânchhia Mizo­rama lut mi 10,229 an awm tawh.

Assembly session neih zawh tâka ZPM member Vanlalhlana zawhna Home Minister-in ziaka a chhan danin, August 28, 2021 thlengin Myanmar râltlan Mizoramah mi 10,229 an lut tawh a, chu'ng zinga mi 9,434 chu Mizoramah an la awm. Sorkarin an inenkawlna tur senso atan cheng nuai 30 a pe chhuak tawh.

Myanmar ráltlânte chu Mizorama district hrang hrangah awmin, a ṭhen chu chhungkhat lainate inah an khawsa a, a ṭhen chu khawtlangin an awmna tur an sakah an awm a ni.