Kum 2020-21 ah hlawh atan Budget 46.98% hman a ni

Sorkar kum liam ta kum 2020-21 chhung khan sorkar hnathawk leh pension tawhte hlawh atan Mizoram budget aṭangin 46.98% hman a ni a; hei hi revised estimate-a lang a ni.

Finance department chhinchhiah danin, Mizoram budget aṭangin sorkar hnathawk nghet hlawh (salary) atan 34.29%, sorkar hnathawk nghet lo hlawh (wages) atan 1.94% leh pension hlawh atan 10.75% hman a ni a; a vaiin 46.98% hman a ni.

Hlawh atana budget aṭanga sum hman zat percentage hi kum tin a pung a; kum 2018-19 chhungin 39.79% leh 2019-20 chhungin 44.25% hman a ni.