Covid vaccine dose 9,62,145 pe tawh

India rama Covid-19 laka invenna damdawi (vaccine) pek ṭan ní, January 16, 2021 aṭanga September 11, Inrinni thleng khan Mizoramah Covid vaccine dose 9,62,145 pek a ni tawh.

Integrated Disease Surveillance Programme (IDSP) tarlan danin, September 11, Inrinni khan Covid vaccine dose 2,498 pek a ni a, mi 258 hnenah dose khatna leh mi 2,240 hnenah dose hnihna pek a ni. Vaccine pek tawh 9,62,145 zinga 6,63,762 chu dose khatna a ni a, 2,98,383 chu dose hnihna a ni.

Mizorama vaccine pek tawh mi 6,63,762 chu kum 2011 chiarpuia Mizorama mihring zat 10,91,014 aṭangin 60.84% a tling a; vaccine la kim tawh mi 2,98,383 chu mihring awm zat aṭangin 27.35%

a ni.

Kumin January 16 aṭanga Inrinni thlenga vaccine dose 9,62,145 pek tawhte chu Mizoram sorkarin a pek dose 9,58,532 leh private facility-a pek dose 3,613 a ni. Mizoram sorkar ruahmanna hmunah dose khatna 6,61,658 leh dose hnihna 2,96,874 pek a ni tawh a; private facility-te'n dose khatna 2,104 leh dose hnihna 1,509, a vaiin dose 3,613 an pe tawh.

Kum 18-44 inkarte hnenah May 17, 2021 aṭangin vaccine pek ṭan niin, dose 4,58,337 pek a ni tawh a, Mizorama vaccine tawh zawng zawng 9,62,145 aṭangin 47.63% a tling. Kum 18-44 inkar vaccine pek tawh zinga 69,860 (15.24%) chauhin dose kimin an la tawh thung.

Covid vaccine pek tawh hlâwm ṭhen (category) hrang hrang zingah kum 60 chung lam zingah dose kima la tawh an tam ber a, kum 60 chung lama vaccine pek tawh dose 1,22,071 zinga 59,078 (48.39%) chu la kim tawh an ni.