Mizoram pantute kan lo lawm - MZP

Mizo Zirlai Pawl (MZP) chuan thuchhuah siamin, Myanmar aṭanga sahimna zawnga Mizoram rawn pantute chu thinlung taka an lo lawm thu an tarlang.

MZP chuan, inhum­him duha Mizorama lut zawng zawngte thlamuang taka awm turin an chah a, "Himna duha unaute bèla lo tlân lut, hmangaihna nena lo dawngsawng a, lo tuam hlawmtu khaw hrang hrangte chungah thinlung takin lawmthu kan sawi a, kan unau mangangte chunga an ṭhatna hi Zo fate'n kan hre reng tawh dawn a ni," an ti.

Myanmar ram boruak enin, Myanmar aṭanga Mizorama tlân lut an la pung zel dawna a lan thu sawiin MZP chuan, "Ṭan rual a ngai nasa lehzual dawn hle a ni," an ti a; ráltlânte chhawmdawl zel turin Mizoram mipuite an ngen a ni.

MZP chuan, Myanmar sipaite'n mipui thlan tlinte hnena thuneihna hlan duh lo a, mipui zalenna an palzût leh thuneihna an inpe chu vanduaithlak an tih thu an sawi a; Myanmar mipuite'n mipui rorelna an neih leh theihna tura an beihna chu an thlàwp tlat thu an tarlang bawk.