KHAWTHLIR

Thisen pe
BTS Army, Mizoram chuan nimin khan Kim Namjoon pian champha pualin thisen pek an huaihawt a, thisen unit 38 an pe. Aizawlah chuan Civil Hospital blood bank-ah hmeichhia 31 leh mipa paliin an pe a, Champhaiah hmeichhia pathumin an pe bawk.

Zopharm siam tlangzarh
Health & Family Welfare minister Dr R Lalthangliana chuan nimin khan a pisaah Mizo hmeichhia pharmacist-te din Zopharm kutchhuak kut tihfaina (hand sanitiser) leh hmun phuh faina (disinfectant) a tlangzarh.

RT-PCR result en theihna thar
Zoram Medical College director Dr John Zohmingthanga chuan nimin khan ZMC library-ah online hmanga ZMC-a RT-PCR test result en theihna portal www.zmcvrdl.com a hawng. Portal hi Lailen Consulting buatsaih a ni a; ZMC OPD-a swab sample lakte test result download theih tura siam a nih bakah, sample lak ruala SMS-a thleng ṭhin SRF ID chhut luh hnuah result download theih a ni.

Lehkhabu tlangzarh
Deputy chief minister Tawnluia chuan nimin khan a pisaah Khawzawl College-a Mizo department-in an buatsaih 'Bingbi: A study of Mizo Fiction' tih lehkhabu a tlangzarh. Lehkhabu hi Mizo thawnthu (novel/short story) 26 zir bingna leh generation alpha leh Mizo Novel, Fiction of James Dokhuma tih paper a tel bawk.