Kuki-te tawrhna kan hre reng - ZPM Ṭhalai

ZPM Ṭhalai chuan thuchhuah siamin, September 13, 1993-a Kuki pawi sawi lo mi ṭhahnem tak, Naga hel pawl NSCN-IM kuta thite an hriat reng thu leh an sùn thu an tarlang. Kuki Black Day-ah Kuki-te tawrhna an theihnghilh loh thu an sawi.

ZPM ṭhalaite chuan, United Nations Declaration on the Rights of Indigenous thuchhuak angin, Zo hnahthlakte inpumkhatna kawnga chak zawka hma la turin Mizoram sorkar an ngen a, "Manipur-a kan unaute'n Naga hel kut an tuar reng hi a thangtlàwm thlak kan ti a, Mizoram chu inpui ber kan nih angin, kan unaute tana na zawka ṭang turin sorkar kan ngen a ni," an ti.

Zo hnahthlak khawvel hmun hrang hranga awmte inlungrual leh inngeih taka awm turin ZPM ṭhalai chuan an ngen bawk.