Cambridge Easter Camp-ah tel dawn

St. Paul's Higher Secondary School leh Mount Carmel School zirlai 10 ve vete chu Cambridge Easter Camp, London-a khawvel ram hrang hranga zirlaite intawhkhawmnaah an tel dawn a, Inrinni khan MJA president Vanlalrema Vantawl-in a vai liam.

Vanlalrema Vantawl chuan, zirlaite chu hnam dang ṭhalaite leh zirlaite rilru put hmangte zir a, an ṭhatna leh an nunphunga entawn tlakte zir chhuak a, Mizorama tana hlâwkna eng emaw tal hawn turin a chah a; "Hnam dang culture kan pawm thiam turin rilru inhawn a ngai a, ṭhatna lai an neihte seng luh a pawi lo. Chutihrualin, anmahni kan inhnehtir tur a ni lo," a ti.

Cambridge Easter Camp hi vawiina ṭan tur niin, ni 10 chhung aawh dawn a, Mizo zirlaite hi April 13, 2018-ah an lo let leh ang. Camp-ah hian khawvel ram langsar aiawhte tel tura beisei a ni a, programme hrang hrang an hman dawn bakah, Cambridge University leh Oxford University-te pawh an fang dawn a ni. Mizoram aṭanga tel turte hi Mt. Carmel School zirlai 10 leh St. Paul's HSS zirlai 10 an ni.