RUATKIMA'N Lianchhiari Run TLAWH

IPR minister Lalruatkima chuan nimin khan IPR Directorate bul, Treasury Square-a Lianchhiari Run Multi-Facility Centre tur sak mek a tlawh a, hnathawh dan a enfiah a, Mizoram tan rotling tur a nih avangin theihtawp chhuaha uluk taka sa turin contractor-te a hrilh. Lianchhiari Run atana DPR chu NEC-in April 11, 2017 khan a pawm a, cheng nuai 10 senga sak tur niin, March, 2022 ral hma-a sak zawh tur a ni. Minister hi IPR secretary Hualsangi leh director Lallianpuiite'n an ṭawiawm.