KHAWTHLIR

MIMER atan Post 409 la dawn
DPAR changtu chief minister Lal Thanhawla chuan MNF member Lalruatkima zawhna chhangin, MIMER atan post 409 hnawhkhah a nih dawn thu Assembly House a hrilh a, "Kum khat chhunga senso tur hlawh, etc. chu cheng vbc. 24.58 a ni. MIMER atan hian sanction post 629 a awm a, tun dihmunah thawktu 52 lak a ni tawh," a ti.

Thisen pe
Champhai Bethel Veng Chhura Hmun Welfare-te chuan nimin khan Champhai District Hospital-ah thisen unit 10 an pe a, a petute mipa pariat leh hmeichhia pahnih an ni.

Labour zat
Labour, Employment Skil Development & Entrepreneurship minister H Rohluna chuan nimin khan MNF member Lalrinawma zawhna chhangin, kum 2017-18 chhungin state páwn aṭangin Mizoramah labour 2,540 lak luh a nih thu House a hrilh.

Heroin man
Central YMA hnuaia SRS duty-te chuan March 31 leh April 1 khan hmun hrang hrang leh mi hrang hrang aṭangin heroin hawng 21 leh can 30 an man a, ruihhlo man hlut zawng chu Rs. 8,10,000 a ni. Hetih lai hian, Mizoram Synod chuan ruihhlo donaa hman turin nimin khan CYMA hnenah Rs. 1,00,000 an hlan a ni.

ZNP house leader
Zoram Nationalist Party (ZNP) office bearer-te nimina an pisa ṭhukhawm chuan, Zoram Peoples' Movement (ZPM) Val Upa Council-in ZPM House Leader ruat tura an tih angin, ZNP president Lalduh­oma chu House Leader atan an thlang.

Education Loan
MNF member Lal­rinawma zawhna ziaka chhangin Finance minister Lalsawta chuan kum 2016-2017 chhung­in bank hrang hrang aṭangin zirlai naupang 39 Education Loan pek an nih thu a tarlang a, "Education Loan pe thei Mizoramah bank 23 an awm," a ti.