CADC atana INC candidate puang

Congress party president Lal Thanhawla chuan nimin khan Congress Bhavan-a a pisaah April 20, 2018-a Chakma Autonomous District Council (CADC) inthlan tura Indian National Congress (INC) candidate turte a puang.

Lal Thanhawla chuan, CADC inthlan chu April 20-ah neih a nih tur thu sawiin, "April 24, 2018-ah vote chhiar tur a ni a, nomination thehluh hun tawp chu April 4 niin, inhnuhdawhna hun chu April 5 a ni," a ti.

Zawhna chhangin MPCC President chuan, CADC sorkar ṭhiah tâka INC MDC-te'n tun ṭum inthlanah seat an chan vek thu a sawi a, "CADC sor­kar ṭhiah hi kan chak phah zawk ang," a ti. CADC-agh INC an chak dawn em, tih zawhna chu, "Result puan hunah a chak chu a chiang ang," a ti bawk.

Zawhna dang chhangin Lal Thanhawla chuan, district council-te'n sor­kar laipui aṭangin direct funding hmu se an duhsak thu leh direct funding an hmuh theih dan tur state sorkarin a ngaihtuahsak thu a sawi a, "Mahse, direct funding pawh hmu se, fiscal control chu state sorkar aṭangin kan nei tho ang," a ti.

CADC-a INC candidate-te
# MDC Bial Candidate
1. Boropansury-I Dayal Chandra Chakma
2. Boranpansury-II Gyan Sankar Chakma
3. Chhotapasury Amar Smriti Chakma
4. Bajeisora Pulin Bayan Chakma
5. Kamalanagar ‘N’ Parimal Chakma
6. Kamalanagar ‘S’ F Raju Chakma
7. Kamalanagar ‘W’ Raja Lakhi Chakma
8. Udalthana Ajay Kumar Chakma
9. Ugudasury ‘S’ Susen Chakma
10. Mandirasora Onish Moy Chakma
11. Ajasora Taranisen Chakma
12. Mainabapsora Sushil Kumar Chakma
13. Vaseitlang Buddha Lila Chakma
14. Longpuighat Chitra Kumar Chakma
15. Rengkashya Amit Kumar Chakma
16. New Jagnasury Adikanta Tongchangya
17. Jaruldubasora Purna Muni Chakma
18. Fultuli Kali Kumar Tongchangya
19. Devasora ‘S’ Bubon Kumar Chakma
20. Parva Mohan Chakma