Zanin aṭangin MPSC Quiz semi-final

Mizo Students' Union (MSU) leh Mizo­ram Public Service Com­mis­­sion (MPSC) ṭawng­kawpten an buat­saih, MPSC Challege Inter College Quiz Com­petition 2018 chu a hmawrbawk a hnai chho zel a, zanin aṭangin semi-final intihsiak ṭan a ni leh dawn.

College pali - Govt Hrang­bana College, Pa­chhunga University Col­lege, Aizawl City College leh Govt. Cham­phai College te chuan semi-final an lut a, Champhai College chu Aizawl pawn aṭanga tel la dam awmchhun an ni tawh. Champhai College hian semi-final zan khatnaah quarter final-a point hmusang ber HBC an tum nghal dawn a, fiahna hautak an hmachhawn dawn. Intihsiak hmachhawn zui zel tur chuan zaninah chet ṭhat an mamawh dawn.

Naktuk zanah intihsiak a awm leh dawn bawk a, PUC leh City Colllege an intum ve thung ang. Semi-final a nih tawh avangin a boruak a sang a, Grand Finale thleng turin inthlahdah a thiang tawh lo.

College 18 telna MPSC Challege Inter Col­lege Quiz Competition 2018 April 6, Inrinni zan khian a hmawrbawk a ni ang. Show hi zan dar 8:00 ah ṭan ṭhin a ni a, Zonet leh LPS-te chuan live-in an pechhuak ṭhin a ni.